Atyraýda býkmekerlik keńseni tonaǵan 25 jastaǵy jigit qamaýǵa alyndy

Atyraýda 25 jastaǵy jigit býkmekerlik keńsege qaraqshylyq shabýyl jasaý kúdigigimen ustaldy. Qazir kúdikti ýaqytsha ustaý ızolıatoryna qamaýǵa alyndy, dep habarlaıdy Kazinform.

Oblystyq polıtsııa departamenti baspasóz qyzmetiniń aqparatyna qaraǵanda, qaraqshylyq shabýyl 3 jeltoqsanda bolǵan.

«Kúdikti tańerteńgi saǵat 08:55 shamasynda býkmekerlik keńse betperde kıip kirgen. Keńse qyzmetkerin as úı pyshaǵymen qorqytqan. Sóıtip, kúdikti býkmekerlik mekemeden 143 myń 780 teńgeni alyp, oqıǵa ornynan boı tasalap, qashyp ketken», - dep habarlady departamenttiń baspasóz qyzmetinen.

Polıtsııa qyzmetkerleri kúdikti retinde Atyraý qalasynyń 25 jastaǵy turǵynyn ustady. Kúdiktige qatysty QR Qylmystyq kodeksiniń 192-babynyń 2-bóligimen (Qaraqshylyq) qylmystyq is qozǵaldy. Tergep-tekserý júrip jatyr. Qazir ustalǵan kúdikti ýaqytsha ustaý ızolıatoryna qamaýǵa alyndy.

Eske sala ketelik, budan buryn Atyraýda mıkroqarjy keńsesine qaraqshylyq jasaǵan kúdikti ustalǵanyn jazǵan bolatynbyz.