Atyraýda bir túnde aılyq normada kóp jańbyr jaýǵan
ATYRAÝ. KAZINFORM – Atyraýda bir túnde 24 mm jańbyr jaýǵan. Aılyq ortasha norma 17 mm bolsa, jaýyn-shashyn bir jarym aılyq mólsherde túsken.
Atyraý qalasy ákimdiginiń málimetinshe, jumysqa 40 vakýýmdy tehnıka jumyldyrylyp, 6 450 tekshe metr sý soryldy. Táýlik boıy kezekshilik uıymdastyrylǵan.
– Kommýnaldyq qyzmetterdiń jumysy kúni boıy úzdiksiz jalǵasýda. Qala kósheleri men áleýmettik nysandar aýmaǵy tazartylyp jatyr. Turǵyndardan túsken 109 ótinish qaralyp, sý jınalǵan ýchaskeler kezegimen qurǵatylýda. Qazirgi ýaqytta 21 vakýým tehnıkasy jumys atqarýda. Qosymsha vakýým tehnıkalaryn tartý josparlanyp otyr, - dep málimdedi ákimdiktiń baspasóz qyzmeti.
Aıta keteıik, 109 biryńǵaı baılanys ortalyǵyna 14-15 sáýir kúni jaýyn sýyn tazartý týraly 393 qońyraý túsken, 57 ótinish oryndalyp jatyr.
Buǵan deıin Atyraýda birneshe saǵat boıy toqtaýsyz jańbyr jaýyp, qozǵalys qıyndaǵanyn jazǵan edik.
