Atyraýda bir kúnde 200-ge jýyq adam kóktaıǵaq saldarynan dárigerlerdiń kómegine júgingen

ATYRAÝ.KAZINFORM — Atyraýda 14 qańtardan beri kóktaıǵaq saldarynan qulaǵan 200-ge jýyq adamǵa kómek kórsetildi. Bul týraly oblystyq densaýlyq saqtaý basqarmasy habarlady.

Kesheden beri 15 turǵyn statsıonarǵa jatqyzylǵan. 25 adamǵa ambýlatorııalyq em taǵaıyndalǵan. Qalǵan azamattarǵa alǵashqy medıtsınalyq kómek kórsetilip, keńes berilgen. Qazirgi ýaqytta óńirdegi medıtsınalyq uıymdar kúsheıtilgen rejımje jumys istep jatyr. Travmotologııa bólimi táýlik boıy qyzmetin jalǵastyrýda.

Aýa raıynyń qolaısyzdyǵyna baılanysty Atyraý qalasynda kóktaıǵaqtyń aldyn alý jáne jol qozǵalysynyń qaýipsizdigin qamtamasyz etý maqsatynda qar tazalaý jáne taıǵaqqa qarsy jumystar kúsheıtildi.

— Joldardy tazalaý jumystaryna şetkaly traktorlar, al jaıaý júrginshiler joldary men trotýarlardy tazalaýǵa mını traktorlar, sondaı-aq qum-tuz qospasyn sebýge arnalǵan kólikter — jalpy sany 30-ǵa jýyq arnaýly tehnıka jumyldyryldy. Sonymen qatar 150 jol jumysshysy táýlik boıy úzdiksiz qyzmet atqarýda. Keshegi kúnnen bastap barlyǵy 248 tonna reagent sebildi, — dep habarlady Atyraý qalasynyń ákimdigi.

Osyǵan deıin Atyraýda kóktaıǵaqqa baılanysty qozǵalys qıyndap, oqýshylar qashyqtan oqıtynyn jazǵan edik.