Atyraýda byltyrǵy qazanda joǵalǵan boıjetkendi Jaıyqtan izdeý qaıta jalǵasty
ATYRAÝ. KAZINFORM – Atyraýda byltyrǵy qazanda 23 jastaǵy boıjetken joǵalyp ketken edi. Ony Jaıyq ózeninen izdeý birneshe ret toqtatylyp, endi qaıta jalǵasty.
Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynan málim etkendeı, izdestirýge 23 qyzmetker, 5 tehnıka, 7 júzý quraly tartylǵan.
– Іz-túzsiz joǵalǵan boıjetken ıAna Legkodımovany Jaıyq ózeninen izdestirý jumysy 20 naýryzda qaıta jalǵasty. Sodan beri súńgýirler sý astynda 138 ret barlaý jasaldy. Sý astynda 21 myń 070 sharshy metr aýmaq qaraldy. Jaıyq ózeninde uzyndyǵy 3,4 shaqyrym sý túbinde traldaý júrgizildi, - dep habarlady departamenttiń ımıdjdik jumys jáne syrtqy kommýnıkatsııalar toby.
Atyraý qalasynyń turǵyny ıAna Legkodımova byltyrǵy 18 qazanda túngi saǵat 22:00 shamasynda úıinen shyǵyp ketken. Ol 2001 jyly dúnıege kelgen.
Eske sala ketelik, budan buryn Atyraýda joǵalǵan boıjetkendi Jaıyq ózeninen izdeý 44 kúnnen keıin toqtatylǵanyn habarlaǵan edik.
Keıin ony Jaıyqtan izdeý taǵy toqtatylǵanyn jazǵan bolatynbyz.