Atyraýda byltyr joǵalǵan boıjetkenniń múrdesi Jaıyq jaǵalaýynan tabyldy

ATYRAÝ. KAZINFORM – Atyraýda byltyrǵy kúzde 23 jastaǵy boıjetken iz-túzsiz joǵalyp ketken edi. Sodan beri ony Jaıyq ózeninen izdedi.

Atyraý oblystyq polıtsııa departamentiniń baspasóz qyzmeti habar-osharsyz ketken boıjetkenniń múrdesi ózen jaǵalaýynan tabylǵanyn rastady.

– Jaıyq ózeniniń Mahambet aýdany aýmaǵyndaǵy jaǵalaýynan 2024 jylǵy qazan aıynda joǵalǵan 23 jastaǵy turǵynnyń máıiti tabyldy. Byltyr boıjetkenniń ólimine baılanysty 24 jáne 25 jastaǵy eki kúdikti ustalyp, qamaýǵa alynǵan edi. Kúdiktilerge qatysty adam óltirý deregimen sotqa deıingi tergep-tekserý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, -dep habarlady departamenttiń baspasóz qyzmeti.

Polıtsııanyń málimetine qaraǵanda, Atyraý qalasynyń turǵyny ıAna Legdokımova 2001 jyly dúnıege kelgen. Ol Atyraý qalasyndaǵy Avangard-2 shaǵynaýdanynda turǵan. Úıinen byltyrǵy 18 qazan kúni saǵat 22:00 shamasynda shyǵyp, iz-túzsiz joǵalyp ketken.

Eske sala ketelik, budan buryn Atyraýda 23 jastaǵy boıjetkenniń iz-túzsiz joǵalýyna baılanysty eki kúdikti ustalǵanyn habarlaǵan edik.

Sondaı-aq, jyl basynda Atyraýda byltyr iz-túzsiz joǵalǵan boıjetkendi Jaıyqtan izdeý toqtatyldy.

Al naýryzda boıjetkendi Jaıyqtan izdeý qaıta jalǵasqan edi.