Atyraýda byltyr Jaıyqtan bólingen sýdan 1 mln shabaq qutqarylyp, ózenge jiberildi
ATYRAÝ. KAZINFORM – Búgin túske deıin Mahambet aýdanyndaǵy Esmahan aýylynyń tusynda sýdan 1 mln shabaq qutqaryldy. Balyq shabaqtary Jaıyq ózenine jiberildi.
Jaıyq-Kaspıı oblysaralyq basseındik balyq sharýashylyǵy ınspektsııasynyń bas mamany Almas Jumashevtyń aıtýynsha, byltyrǵy kóktemdegi tasqyn kezinde Jaıyq ózeninen bólingen sý áli keri qaıtpaǵan.
– Aýa-raıynyń salqyndaýynan mundaı sýda muz qatady. Al bul otteginiń azaıyp, balyq shabaqtarynyń qyrylýyna sebep bolýy múmkin. Sondyqtan búgin, 15 qańtarda túski saǵat 13:00-ge deıin Mahambet aýdanyndaǵy Esmahan aýylynyń tusynda jaıylmaǵa shyqqan sýdan 1 mln shabaq qutqarylyp, Jaıyq ózenine jiberildi. Sazan, móńke balyqtarynyń shabaqtaryn qutqarýǵa «Abylaı-Han», «KaspııRybaEvrazııa» JShS men «QazSýShar» RMK-niń Atyraý oblystyq fılıalynyń qyzmetkerleri men 99245 áskerı bólim sarbazdarynan 50 adam tartyldy. Balyq shabaqtaryn Jaıyq ózenine tasymaldaýǵa 10 kólik bólindi, - deıdi Almas Jumashev.
Eske sala ketelik, buǵdan buryn Atyraý oblysyndaǵy Baqsaı kanalynda balyq shabaǵyna qyrylý qaýpi tóngenin jazǵan edik.