Atyraýda byltyr iz-túzsiz joǵalǵan boıjetkendi Jaıyqtan izdeý taǵy toqtatyldy

ATYRAÝ. KAZINFORM — Atyraýda byltyrǵy qazanda 23 jastaǵy boıjetken joǵalyp ketken edi. Ony Jaıyq ózeninen izdeý ekinshi ret toqtatyldy.

Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynan málim etkendeı, 2001 jylǵy ıAna Legdokımova 2024 jylǵy 18 qazanda úıinen shyǵyp, habar-osharsyz ketken. 

— Atyraý oblystyq tótenshe jaǵdaılar departamentiniń qyzmetkerleri joǵalyp ketken boıjetkendi qaıtadan izdeýdi 2024 jyldyń 15-29 jeltoqsany aralyǵynda júrgizdi. Іzdestirý-qutqarý jumystaryn úılestirýdi Tótenshe jaǵdaılar mınıstrligi tótenshe jaǵdaılardy joıý departamentiniń bas mamany, azamattyq qorǵaý podpolkovnıgi Dıdar Qajkenov pen óńirlik departament bastyǵynyń orynbasary, podpolkovnık Ratbek Demeýbergen qolǵa qolǵa aldy. Іzdestirý jumystaryna 36 qutqarýshy, 1 kınologııalyq esep jumyldyrylyp, 6 tehnıka, 2 sý kóligi men ushqyshsyz ushý apparaty tartyldy, — dep habarlady departamenttiń ımıdjdik jumys jáne syrtqy kommýnıkatsııalar toby.

Joǵalǵan boıjetkendi izdeýge anasy da qatysqan.

— Іzdeý operatsııasy aıasynda Jaıyq ózeniniń jaǵalaýy muqııat tekserildi. Jaıyq ózeniniń túbi súzildi. Sý arnasynyń túbin egjeı-tegjeıli zertteý úshin qutqarýshylar súńgýir-qutqarý jumystaryn júrgizip, eholot qoldandy, — dep málim etti departamenttiń ımıdjdik jumys jáne syrtqy kommýnıkatsııalar tobynan.

Alaıda izdestirý jumystary nátıje bergen joq. Sol sebepten, izdestirý jumysy ekinshi ret toqtatylǵan.

Eske sala keteıik, budan buryn Atyraýda 23 jastaǵy boıjetkendi 3 kúnnen beri izdep jatqanyn jazǵan edik. 

Birneshe kúnnen keıin Atyraýda 23 jastaǵy boıjetkenniń iz-túzsiz joǵalýyna baılanysty eki kúdikti ustaldy. 

Budan soń iz-túzsiz joǵalǵan 23 jastaǵy boıjetkendi Jaıyq ózeninen izdeýdi bastady. 

Alaıda boıjetkendi Jaıyq ózeninen izdeý 44 kúnnen keıin toqtatyldy.

Byltyrǵy jeltoqsanda joǵalyp ketken boıjetkendi Jaıyq ózeninen izdeý qaıta jalǵasqan bolatyn.