Atyraýda bet-júzin búrkemelegen 11 adam jaýapqa tartyldy
ATYRAÝ.KAZINFORM - Polıtsııa qyzmetkerleri jyl basynan beri oblys aýmaǵyndaǵy qoǵamdyq oryndarda bet-álpetti tolyq jabatyn, tulǵany tanýǵa kedergi keltiretin kıim-keshekke salynǵan tyıym boıynsha 200-den astam turǵynǵa túsindirý jumysyn júrgizgen.
Bıyl 2 naýryzda bastap kúshine engen jańa zańǵa sáıkes, mundaı kıim kııýge bolmaıdy, ákimshilik jaýapkershilik qarastyrylǵan.
- Qazirgi tańda Atyraý oblysynda osy talapty buzǵan 11 azamat QR Ákimshilik quqyq buzýshylyq týraly kodekstiń 434-3 baby boıynsha jaýapqa tartyldy,-dedi Atyraý OPD Qoǵamdyq qaýipsizdik basqarmasynyń aǵa ınspektory Saǵatjan Myrzaǵalıev.
Buǵan deıin Іshki ister mınıstrligi terrorızm aktisi týraly kórineý jalǵan habarlamalar úshin jaýapkershilik baryn eskertkeni jóninde jazǵan edik.
