Atyraýda bet-álpetti tanıtyn kameramen halyqaralyq izdeýde júrgen 2 adam anyqtalǵan

ATYRAÝ. KAZINFORM — Atyraýda kamera naýryzdan beri halyqaralyq izdeýde júrgen 2 adam anyqtaldy. Onyń biri Baizar saýda ortalyǵynda, ekinshisi H.Dospanova atyndaǵy halyqaralyq áýejaıda ustalǵan.

Atyraý qalalyq polıtsııa basqarmasy jedel basqarý ortalyǵynyń aǵa ınspektory Aıdos Qoshpanovtyń málimetinshe, munaıly shahardaǵy 6 myńnan astam kamera «Target EYE» júıesine qosylǵan. 

— Bul aqparattyq-baǵdarlamalyq keshenindegi 4 myńnan asa kamera qoǵamdyq oryndarǵa ornatylyp tur. Al 2 myńnan astamy — ıntergatsııalanǵan kameralar. Mundaı kameralar adamdar kóp shoǵyrlanatyn mektepter men balabaqshalarda, oıyn-saýyq ortalyqtary men bazarlarǵa ornatyldy. Beıneanalıtıkalyq kameralar atalǵan júıege qosylǵannan beri 53 adam tekserýden ótkizilip, onyń 19-y anyqtaldy, - deıdi Aıdos Qoshanov. 

Onyń aıtýynsha, jańa júıe Іshki ister mınıstrliginiń usynysymen izdeýde júrgen qylmyskerler, habar-osharsyz ketken azamattar men probatsııalyq baqylaýdaǵy tulǵalardyń derekterimen tolyqtyrylǵan. 

— Júıege engizilgen derekterdiń nátıjesinde bet-álpetti taný arqyly 31 naýryzda Baizar saýda ortalyǵynda halyqaralyq izdeýde júrgen bir adam ustady. Al 12 sáýirde H.Dospanova atyndaǵy Atyraý halyqaralyq áýejaıynda 1991 jylǵy taǵy bir adam anyqtalyp, polıtsııa bólimine jetkizildi, - dep málim etti Aıdos Qoshpanov. 

Eske sala ketelik, budan buryn Atyraý oblysynda jyl basynan beri jol apatynan 25 adam mert bolǵanyn jazǵan edik.