Atyraýda bekire zaýyty 147,4 mln teńgege ýyldyryq satyp almaq bolǵan
ASTANA. KAZINFORM — Atyraý oblysynyń prokýratýrasy balyq sharýashylyǵy salasynda bıýdjet qarajatynyń negizsiz jumsalýynyń aldyn aldy.
Atyraý oblysynyń prokýratýra organdary bıýdjet qarajatynyń maqsatty paıdalanylýynyń zańdylyǵyna turaqty negizde taldaý júrgizip, baǵa berip otyrady.
Osy rette, «Atyraý bekire balyq ósirý zaýyty» memlekettik kásiporny 2026 jylǵy 23 aqpanda memlekettik satyp alý portalynda habarlandyrýlar jarııalap, bekire ýyldyryqtaryn 147,4 mln teńge aqsha qarajatyna satyp alýdy josparlaǵany anyqtaldy.
«Janýarlar dúnıesin qorǵaý, ósimin molaıtý jáne paıdalaný týraly» Zańnyń 11-1 babyna sáıkes memlekettik kásiporyn, ıaǵnı zaýyt bekire tuqymdas balyqtarynyń ýyldyryqtaryn satyp alýyna ruqsat berilmegen.
— Alaıda, zaýyt bul talaptarǵa jáne óziniń negizgi mindetterine qaıshy bekire tuqymdas balyqtarynyń ýyldyryqtaryn zańdy tulǵalardan naryqtyq baǵada satyp alýdy zańsyz josparlaǵan, memlekettik satyp alýdy negizsiz uıymdastyrǵan. Tabıǵat qorǵaý prokýratýrasynyń qadaǵalaý aktisimen memlekettik satyp alýdyń kúshi joıylyp, 147 mln teńge kólemindegi bıýdjet qarajaty únemdeldi. Atalǵan saladaǵy zańdylyqtyń jaı-kúıi tabıǵat qorǵaý prokýratýrasynyń turaqty baqylaýynda, — delingen Atyraý oblysy prokýratýrasynyń habarlamasynda.
Budan buryn «Bekire – 2026» aktsııasy aıasynda Atyraýdaǵy joldarda 18 mobıldi beket jumys isteıtinin jazǵanbyz.
