Atyraýda Batys Prorva ken ornyndaǵy aqaýdy joıý kezinde 2 zaqym aldy
ATYRAÝ. KAZINFORM — Atyraý oblysyndaǵy Batys Prorva ken ornynda uńǵymany tyǵyndaýǵa daıyndaý kezinde 2 adam zardap shekkken. Olar — «KazTechMunaiService» JShS-niń qyzmetkerleri.
«Embimunaıgaz» AQ-nyń qoǵammen baılanys tobynyń málimetinshe, 8 naýryzda «Jylyoımunaıgaz» basqarmasynyń Batys Prorva ken ornyndaǵy № 437 uńǵymadaǵy aqaýdy joıý aıaqtalǵan.
— «KazTechMunaiService» JShS uńǵymany tyǵyndaýǵa daıyndaý úshin gıdravlıkalyq synaq júrgizdi. Sol kezde tyǵyndaý jelisiniń germetızatsııalanbady. Sonyń nátıjesinde qyzmetkerlerdiń biri keýde tusynan zaqym aldy. Onyń ishki aǵzalary zaqymdanbady. Qazir ol Qulsary qalasyndaǵy ortalyq aýdandyq aýrýhanada jatyr. Qyzmetkerdiń ómirine tónip turǵan qaýip joq. Dárigerler ekinshi qyzmetkerdi tekserýden keıin úıine jiberdi, -dep málim etti kompanııanyń baspasóz qyzmeti.
Bul oqıǵa týraly Atyraý oblystyq memlekettik eńbek ınspektsııasyna habarlanǵan.
Eske sala ketelik, budan buryn Atyraý oblysyndaǵy Batys Prorva ken ornynda atqylaǵan gaz alaýy toqtatylǵanyn jazǵan bolatynbyz.