Atyraýda báseke týraly zańnamany buzǵan áýejaı tekserilip jatyr

 Atyraýda básekelestikti qorǵaý zańnmasyn buzǵan áýejaıda tekserý bastaldy, dep habarlaıdy Kazinform.

Básekelestikti qorǵaý jáne damytý agenttigi Atyraý oblysy boıynsha departamentiniń baspasóz qyzmetinen málim etkendeı, aerovokzal alańyn kommertsııalyq maqsatta jalǵa berý qyzmeti naryǵyndaǵy básekeniń jaı-kúıine taldaý jasalǵan.

– Buǵan Atyraý kólik prokýratýrasynyń «ATMA-Atyraý áýejaıy jáne tasymaldaý» AQ-na qatysty Qazaqstannyń básekelestikti qorǵaý zańnamasy talaptaryn saqtaý turǵysynan taldaý júrgizý týraly talaby negiz boldy. Taldaý qorytyndysyna sáıkes «ATMA-Atyraý áýejaıy jáne tasymaldaý» AQ áreketinde tutynýshylarmen (jalǵa alýshylarmen) jasalǵan máni birdeı kelisimderde ártúrli baǵa ne ártúrli shartty qoldaný bóliginde monopolııaǵa qarsy zańnamany buzý belgileri anyqtaldy. Osyǵan baılanysty kásiporynǵa Qazaqstannyń básekelestikti qorǵaý zańnamasyn buzý belgileri týraly habarlama joldandy. «ATMA-Atyraý áýejaıy jáne tasymaldaý» mekemesine qatysty zańnama buzylǵanyn rastaıtyn nemese joqqa shyǵaratyn naqty derekterdi anyqtaý maqsatynda tergep-tekserý bastaldy, - dep habarlady departamenttiń baspasóz qyzmeti.

Eske sala ketelik, buǵan deıin Atyraý volonterleri abattandyrý jobasynan 14 mln teńgeniń buzýshylyǵyn anyqtaǵanyn habarlaǵan bolatynbyz.