Atyraýda balyq qorǵaý salasynyń 2 ınspektory ustaldy

ATYRAÝ. KAZINFORM – Atyraýda balyq qorǵaý salasynyń eki ınspektory bekiremen ustalǵan.

Bul derekti Atyraý oblystyq polıtsııa departamentiniń baspasóz qyzmeti rastady.

«Qazir QR Qylmystyq kodeksiniń 339-babynyń 2-bóligine sáıkes 3 kúdiktige qatysty sotqa deıingi tergeý amaldary júrgizilip jatyr. Kúdiktilerden 18,5 keli bekire tuqymdas balyq tárkilendi. Úshinshi kúdikti – jeke tulǵa», - dep habarlady departamenttiń baspasóz qyzmeti.

Elimizdiń batysyndaǵy úsh óńir – Mańǵystaý, Atyraý jáne Batys Qazaqstan oblysynda «Bekire» keń aýqymdaǵy balyq qorǵaý aktsıasy ótip jatyr. 1 sáýirde bastalǵan bul aktsııa 31 mamyrǵa deıin jalǵasady.

«Іs-sharaǵa baılanysty zańsyz balyq aýlaýdyń jolyn kesý úshin jyljymaly mobıldik toptar quryldy. Bul Erkinqala eldi mekeni arqyly Kaspıı teńizine shyǵa berisinde, Jaıyq ózeni boıyndaǵy «Peshnoı» aralynda, Erkinqala, Damby, Alǵabas eldi mekenina qatynaıtyn aınalma jolda avtokólik quraldarynyń qozǵalysyna baqylaý júrgizýdi qolǵa aldy», - dep málim etti departamenttiń baspasóz qyzmeti.

Eske sala ketelik, budan buryn «Bekire – 2024» aktsııasy aıasynda 454 keli bekire, 5 keli qaraýyldyryq tárkilengenin jazǵan edik.