Atyraýda balyq aýlaýǵa shyqqan azamat sýǵa batyp ketti
ATYRAÝ. KAZINFORM – Atyraý oblysynyń Inder aýdanynda balyq aýlaýǵa ketken azamattyń denesi bir táýlikten keıin Jaıyq ózeninen tabyldy. Іzdestirý-qutqarý jumystaryna TJD qyzmetkerleri, polıtsııa jáne jergilikti turǵyndar jumyldyryldy.
Atyraý oblystyq Tótenshe jaǵdaılar departamentiniń málimetinshe, 1993 jyly týǵan azamat 8 maýsym kúni keshkisin Jaıyq ózenine balyq aýlaý úshin baryp, sýǵa batyp ketken. 9 maýsym kúni ony izdestirý jumysy toqtatyldy. Qutqarýshylar azamattyń máıitin sýǵa ketken jerden shamamen 100 metr qashyqtyqtan taýyp, sýdan shyǵarǵan.
- Іzdestirý jumystaryna Tótenshe jaǵdaılar departamentiniń 17 qyzmetkeri, 4 tehnıkasy jáne 3 júzý quraly, polıtsııa qyzmetkerleri men jergilikti turǵyndar jumyldyryldy,-dep málimdedi departamenttiń baspasóz qyzmeti.
25 mamyrda óńirge qarasty Qurmanǵazy aýdanynda 10 jasar bala sýǵa batyp ketken edi.
Aıta keteıik, Atyraý oblysynda shomylý maýsymy ashylǵan joq.
