Atyraýda balany tepken tárbıeshige qatysty sotqa deıingi tergeý bastaldy
ATYRAÝ. KAZINFORM – Atyraýdaǵy balabaqshada áıel balanyń birin tepken. Qazir tárbıeshige qatysty sotqa deıingi tergeý bastaldy.

Bul týraly jelide vıdeo tarady. Onda áıeldiń kishkentaı uldy tepken sáti túsirilgen. Oqıǵa 15 qańtarda bolǵan.
– Atyraýdaǵy Zeınep-Amına balabaqshasy MAD-1 tobynda bolǵan jaǵdaı. Osyndaı jaǵdaı Zeınep-Amına balabaqshasynda birinshi emes, - dep jazba qaldyrǵan jeli qoldanýshysy.
Atyraý oblystyq Polıtsııa departamenti baspasóz qyzmetiniń aqparatyna qaraǵanda, atalǵan derekke qatysty sotqa deıingi tergeý bastalǵan.
– Atalǵan derek boıynsha sotqa deıingi tergep-tekserý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, - dep málim etti departamenttiń baspasóz qyzmetinen.
Eske sala ketelik, buǵan deıin Atyraýda jaryqsyz qalǵan mektep oqýshylary qashyqtan oqyp jatqanyn habarlaǵan bolatynbyz.