Atyraýda balalaryna alıment tólemegen 30 boryshker qamaldy
ATYRAÝ. KAZINFORM — Atyraýda balalaryna alıment tólemeı júrgen 47 boryshker anyqtalǵan. Onyń ishinde 30 boryshkerge qamaýǵa alý túrindegi ákimshilik jaza qoldanyldy.
Atyraý oblystyq ádilet departamentiniń baspasóz qyzmetinen málim etkendeı, memlekettik sot oryndaýshylary 47 boryshkerge Ákimshilik quqyq buzý týraly kodekstiń 669-babymen hattama toltyrǵan.
«Boryshkerlerge qatysty is qujattary sotqa joldandy. Sottyń sheshimimen 17 boryshkerge aıyppul salyndy. Al, 30 boryshkerge qamaýǵa alý túrindegi ákimshilik jaza taǵaıyndaldy. Áleýmettik mańyzy bar alımenti bar boryshkerlerge túsinik jumysy júrgizildi. Boryshker alımentti óndirý týraly atqarýshylyq qujatty oryndaýdan jaltarǵany úshin atalǵan kodekstiń 669-babynyń 1 tarmaǵy boıynsha ákimshilik jýapkershilikke tartylady», -dep habarlady departamenttiń baspasóz qyzmeti.
Eske sala ketelik, budan buryn Atyraýda eki jylda áıelderge qarsy 15 qylmys jasalǵanyn jazǵan bolatynbyz.
