Atyraýda balabaqshadaǵy balalar qatarlasyn jabyla uryp tastaǵan
ATYRAÝ. KAZINFORM — Atyraý oblysynda balabaqshadaǵy balalar qatarlasyn tósekten turǵyzyp, uryp tastaǵan. Taıaq jegen balanyń ata-anasy polıtsııa bólimine shaǵym túsirdi.
Oqıǵa Mahambet aýdanynyń Beıbarys aýylyndaǵy balabaqshada bolǵan.
Bul derekti oblystyq polıtsııa departamenti men oblystyq bilim basqarmasynyń baspasóz qyzmeti rastady.
«Qazir atalǵan derek boıynsha balanyń ata-anasy Mahambet aýdandyq polıtsııa bólimine shaǵymdandy. Quzyrly organdar tarapynan balalardyń ómiri men densaýlyǵynyń qaýipsizdigin qamtamasyz etý jónindegi mindetter boıynsha tekserý júrgizilip jatyr», -dep habarlady basqarmanyń baspasóz qyzmeti.
Al, oblystyq polıtsııa departamenti baspasóz qyzmetiniń aqparatyna súıensek, tergeý bastalǵan.
«Mahambet aýdandyq polıtsııa bólimi jan-jaqty tergeý júrgizip jatyr. Taıaq jegen balaǵa saraptama taǵaıyndaldy», -dep málim etti departamenttiń baspasóz qyzmeti.
Eske sala ketelik, buǵan deıin Atyraý oblysynda jasóspirimder jasaǵan 72 qylmys tirkelgenin jazǵan bolatynbyz.
