Atyraý turǵyny úsh jasar qyzynyń kózinshe áıelin pyshaqtap óltirgen
ATYRAÝ. KAZINFORM – Atyraýda 42 jastaǵy áıel pyshaq jaraqatynan kóz jumdy. Azamattyq nekedegi áıelin óltirdi degen kúdikpen 37 jastaǵy er adam ustalyp, qamaýǵa alyndy.
Qaıǵyly oqıǵa 22 shildede turmystyq janjal kezinde bolǵan.
– Turmystyq janjal kezinde azamattyq nekedegi áıelin óltirdi degen kúdikpen 37 jastaǵy er adam ustalyp, qamaýǵa alyndy. Adam óltirý babymen qylmystyq is qozǵalyp, keshendi tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, – dep habarlady departamenttiń baspasóz qyzmeti.
Marqumnyń artynda tórt balasy qaldy. Týystarynyń aıtýynsha, er adam men áıel alty jyl azamattyq nekede turǵan. Sondaı-aq olardyń málimetinshe, kúdikti áıelge 28 ret pyshaq jaraqatyn salǵan. Qylmysqa erli-zaıyptynyń úsh jasar qyzy kýá bolǵan.
Buǵan deıin Atyraýda áıelin qyzynyń kózinshe pyshaqtap óltirgen zeınetker 15 jylǵa sottalǵanyn jazǵan edik.
