Atyraýda áıelin qyzynyń kózinshe pyshaqtap óltirgen zeınetker 15 jylǵa sottaldy
ATYRAÝ.KAZINFORM — 13 jyl otasqan áıelin 12 jasar qyzynyń kózinshe óltirgen 63 jastaǵy zeınetker 15 jylǵa sottaldy.
Atyraý qalasynyń 63 jastaǵy turǵynyna Qylmystyq kodekstiń 99-babynyń 2-bóligi 5-tarmaǵy boıynsha (Asa qatigezdikpen adam óltirý) aıyp taǵyldy. Atyraý oblysynyń qylmystyq ister jónindegi mamandandyrylǵan aýdanaralyq sotynyń sýdıasy Zarema Hamıdýllına zeınetkerdi kináli dep tanyp, 15 jylǵa bas bostandyǵynan aıyrdy. Ol jazasyn qaýipsizdigi ortasha túzetý mekemesinde óteıdi. Sottalýshy marqumnyń týysyna 5 mln teńge moraldyq ótemaqy tóleýge mindetteldi.
Oqıǵa osy jyly 16 naýryz túnde bolǵan.
Tergeý deregine sáıkes, sottalýshy áıelin qyzynyń qasynda uıyqtap jatqan kezde 11 márte pyshaqpen jaraqattaǵan.12 jastaǵy qyzy ákesinen polıtsııa men jedel járdem shaqyrýdy suraǵan. Sotta zeınetkerdiń bul qylmysty aldyn ala oılastyrǵany belgili boldy. Úı ishindegi bólmelerde ornalasqan kameralardy sóndirip tastaǵan.
Kýálik etken kórshileri marqumnyń boıynda kúıeýiniń qolynan bir kúni ólip qalatyny týraly qorqyshyny bolǵany týraly aıtty.
Kúdikti áıelin orynsyz qyzǵanyp, arty osyndaı qylmysqa ulasqan.
Protsess kezinde aıyptalýshy kinásin moıyndap, marqumnyń týystarynan keshirim surady.
Aıta keteıik, qaza bolǵan 58 jastaǵy áıel qala mektepteriniń birinde bastaýysh synyp muǵalimi bolyp eńbek etken. Uzaq jyl pedagogıka salasynda qyzmet atqaryp, bir kezderi mektep dırektorynyń orynbasary bolǵan.
