Atyraýda áıeldiń ólimine baılanysty qylmystyq is qozǵaldy

ATYRAÝ. KAZINFORM — Atyraý polıtseıleri áıeldiń ólimine qatysty qylmystyq isti tergeýdi bastady.

Búgin telegram arnalarynda Atyraý qalasyndaǵy elıtalyq turǵyn úı kesheninde áıeldiń múrdesi tabylǵanyn habarlady.

Atyraý oblystyq polıtsııa departamentiniń baspasóz qyzmeti atalǵan derekke qatysty qylmystyq is qozǵalǵanyn rastady.

— Adam óltirý deregimen qylmystyq is qozǵaldy. Qazir keshendi tergeý amaldary bastaldy. Ózge aqparat tergeý múddesine sáıkes jarııalaýǵa jatpaıdy, — dep málim etti departamenttiń baspasóz qyzmeti.

Ázirge kúdiktiniń ustalǵany, ne ustalmaǵany belgisiz.

Eske sala ketelik, budan buryn Atyraýda bet-álpetti tanıtyn kameramen halyqaralyq izdeýde júrgen 2 adam anyqtalǵanyn habarlaǵan bolatynbyz.