Atyraýda avıatsııa mamandary óńirde bolatyn órtterge qarsy qoldaný úshin dron jasap jatyr
ATYRAÝ.KAZINFORM - Atyraýda avıatsııa salasynyń mamandary Ámir Meıramǵalıev pen Nursultan Tursynov ushqyshsyz ushý apparattaryn qurastyryp jatyr. Basty maqsat – jobany ónerkásip pen qaýipsizdik salasynda tıimdi paıdalaný.
Ónertapqyshtar bul jumysty bir jyl buryn qolǵa alǵan. Birinshi prototıpin jasaýǵa 1270 saǵat ketken.
Ámir Meıramǵalıev pen Nursultan Tursynovtyń aıtýynsha, ushqyshsyz ushý apparattary ónerkásip salasynyń damýyna jáne tótenshe jaǵdaılardyń aldyn alýǵa múmkindik beredi. Jobanyń negizgi baǵyty – tehnologııany beıbit maqsatta qoldaný, atap aıtqanda gaz jáne munaı qubyrlaryn baqylaý men órt oshaqtaryn erte anyqtaý. Ekologııalyq ahýaly kúrdeli Atyraý óńirinde qamys órti jıi tirkeletindikten, mundaı qurylǵylardyń mańyzy zor.
Alǵashqy dron qoldanystaǵy úlgi negizinde jasalyp, keıin birneshe ret ózgertildi. Ekinshi nusqada artqy bóligi, basqarý júıeleri, motory jáne beınetaratý sapasy jaqsarǵan. Qazir úshinshi nusqasy jasalyp jatyr. Dron qanatynyń uzyndyǵy 20 santımetrge uzarady. Nátıjesine qýatty akkýmýlıator men motor ornatýǵa múmkindik týady. Qazir joba damý men synaq ústinde.
- Teńiz aýmaǵyndaǵy qamys órtin erte anyqtap, koordınatory týraly málimetti TJD jedel jiberýge bolady. Sondaı-aq munaı-gaz qubyrynyń jumysyn baqylaýǵa múmkindigi bar. Tipti bizdiń dron arqyly belgili bir mekenjaıǵa dári-dármek jetkizýge bolady. Jobanyń ózine tán ereksheligi men qoldaný salasy bar. Qoıylǵan maqsatqa baılanysty parametrleri ózgeredi. Jumys isteý araqashyqtyǵy nemese radıýsy aýa raıyna baılanysty bolady,- dedi ınjener-jobalaýshy Ámir Meıramǵalıev.
Olardyń birinshi ushqyshsyz ushý apparaty plastıkten jasalǵan. Keıin onyń Atyraýdyń jeline shydas berýi qıyn ekeni belgili bolǵannan soń shyny talshyq (steklovolokno) pen plastıkti óńdep jasaýǵa kóshken. Mamandar ushqyshsyz ushý apparatyn jasaý kezinde tek otandyq ónimdi qoldanýdy, ishki naryqty Qazaqstanda jasalǵan ushý apparattarymen qamtyp, salany damytýdy mindet etip otyr.
- Qazir mýltırotorly dronnyń úlkenin jasap jatyrmyz. Karbonnan jasalǵan, óte myqty jáne jeńil. Qazir qalalarda 15-18 qabatty úıler salynyp jatyr. Mundaı bıiktikke kóterilý órt sóndirýshilerge qıyn soǵady. Basqa elder osyndaı úlken drondarǵa astyna sý qubyryn qoıyp qoldanýda. ıAǵnı, dron arqyly bıikte ornalasqan páterdegi órtti óshirýge bolady, - dedi avıadıspetcher Nursultan Tursynov.
Konstrýktor-ınjener, ári mehanık bolyp ámbebap eńbek etetin talantty óner tabys ıeleri bul jobany óz qarjylary negizinde iske asyrýda.
Osyǵan deıin almatylyq jas ǵalymdardyń «Taza Qala» platformasyn iske qosqanyn jazǵan edik.