Atyraýda aýdan ákiminiń orynbasary jol apatynan kóz jumdy
ATYRAÝ.KAZINFORM - Atyraý oblysy Qyzylqoǵa aýdany ákiminiń orynbasary Erbolat Iǵalı jol-kólik oqıǵasynan qaza tapty.
Qaıǵyly oqıǵa 26 mamyr kúni Mııaly – Saǵyz tasjolynda bolǵan.
Qyzmettik kólik aýdarylyp, Erbolat Iǵalı oqıǵa ornynda kóz jumdy. Júrgizýshi aman qalǵan.Marqumnyń qazasyn Atyraý oblysynyń ákimdigi rastady.
– Qyzylqoǵa aýdany ákiminiń orynbasary Erbolat Iǵalıdiń kenetten qaıtys bolýyna baılanysty marqumnyń otbasyna, týǵan-týystary men jaqyndaryna, sondaı-aq áriptesterine qaıǵyryp kóńil aıtamyz, – dep habarlady oblystyq ákimdik.
Erbolat Iǵalı 1980 jyly Qyzylqoǵa aýdanynda dúnıege kelgen. Eńbek jolyn aýdandyq gazette tilshi bolyp bastap, keıin memlekettik qyzmette túrli laýazym atqarǵan.
2023 jyldyń qańtarynan beri Qyzylqoǵa aýdany ákiminiń orynbasary bolyp jumys istedi. Maýsym aıynda 46 jasqa tolýy tıis bolǵan marqumnyń artynda bes balasy qaldy.
Buǵan deıin Aqtóbede óz-ózine qol jumsaǵan aýyl ákiminiń ornyna jańasy saılanǵanyn jazǵan edik.
