Atyraýda aýa sapasynyń nasharlaýyna baılanysty munaı óńdeý zaýyty tekseriledi
ATYRAÝ. KAZINFORM — Búgin, 2026 jylǵy 8 qyrkúıekte Atyraý oblysy boıynsha ekologııa departamenti Atyraý munaı óńdeý zaýytyna jospardan tys tekseristi bastady.
Buǵan qyrkúıek aıynan beri Atyraýdaǵy aýa sapasynyń nasharlaýy sebep bolyp otyr.
Osyǵan deıin óńirdiń bas ekology aýa quramyndaǵy keıbir aromatty kómirsýtekterdiń mólsheri túngi ýaqytta ruqsat etilgen shekten 10-15 esege deıin artýyn Atyraý munaı óńdeý zaýytymen baılanystyrǵan edi.
— Tekserý is-sharalaryn aıaqtaý nátıjesi boıynsha qoldanystaǵy zańnamaǵa sáıkes ınspektorlyq den qoıý sharalary qabyldanady. Jaǵdaı mınıstrliktiń baqylaýynda. Júrgizilgen jumystyń nátıjesi týraly qosymsha habarlanady, - dep habarlady departament.
Ázirge tekseristiń qansha kúnge sozylatyny belgisiz. Bul máselege qatysty Quryltaı depýtaty Arman Haırýllın pikir bildirip, máseleni sheshý úshin birneshe usynys aıtqan edi.
