Atyraýda Atyrau Open 2026 halyqaralyq shahmat týrnıri jalǵasyp jatyr
ATYRAÝ. KAZINFORM — Atyraýda shahmattan Atyrau Open 2026 halyqaralyq týrnıri ótip jatyr. Toǵyz kúnge josparlanǵan jarysqa 8 jastan bastap ártúrli jastaǵy shahmatshylar qatysady.
Týrnırdiń Masters sanatynda 122 shahmatshy baq synaıdy. Qatysýshylar arasynda Atyraýdyń týmasy, Qazaqstannyń qazirgi chempıony Zarına Nurǵalıeva da bar.
— Atyrau Open 2026 týrnıri FIDE halyqaralyq reıtıngin esepke ala otyryp, shveıtsarııalyq júıe boıynsha toǵyz týrdan turady. Ár partııaǵa 90 mınýt ýaqyt beriledi. Sonymen qatar ár jasalǵan júris úshin oıynshylardyń ýaqytyna 30 sekýnd qosylady, — dedi Qazaqstan shahmat federatsııasynyń Atyraý oblysyndaǵy fılıalynyń dırektory Nazgúl Myrzaǵalıeva.
Aıta keteıik, Qazaqstan kýbogynyń alǵashqy kezeńi maýsym aıynda Aqtóbe qalasynda Vladımır Dvorkovıchti eske alýǵa arnalǵan Aktobe Open 2026 týrnıri aıasynda ótti.
Al shilde aıynda Óskemende kýboktyń ekinshi kezeńi — Oskemen Open 2026 uıymdastyryldy.
Úsh kezeńniń qorytyndysy boıynsha Qazaqstan kýbogynyń fınalyna qatysýshylar anyqtalady. Fınaldyq jarys 1–13 jeltoqsan aralyǵynda Astana qalasynda ótedi.
