Atyraýda arnaıy tehnıka avtobýspen soqtyǵysyp, úsh jolaýshy aýrýhanaǵa jetkizildi
ATYRAÝ. KAZINFORM –Jylyoı aýdany Qulsary qalasynda arnaıy tehnıka burylyp jatqanda avtobýspen soqtyǵysyp, úsh jolaýshy aýrýhanaǵa jetkizildi.
Atyraý oblysy polıtsııa departamentiniń málimetinshe, jol-kólik oqıǵasy 20 qyrkúıek kúni saǵat 18:50 shamasynda Qulsary qalasyndaǵy Mahambet dańǵylynda bolǵan.
Áleýmettik jelide taraǵan vıdeodan arnaıy tehnıka burylyp jatqan kezde «Yutong» avtobýsynyń terezelerin syndyrǵanyn baıqaýǵa bolady. Saldarynan jaraqat alǵan úsh jolaýshy aýrýhanaǵa jetkizilgen.
Qazir jol-kólik oqıǵasyna qatysty tıisti is-qujattar jınaqtalyp jatyr.
Polıtsııa júrgizýshilerge jol qozǵalysy erejelerin qatań saqtaýdy eskertti.
Buǵan deıin Qonaevta bala kólik astyna túsip, mert bolǵanyn jazǵan edik.
