Atyraýda aptap ystyq, Semeıde úsik: 16 óńirde aýa raıyna baılanysty eskertý jasaldy
ASTANA. KAZINFORM — 16 mamyrda Qazaqstannyń birqatar óńiriniń turǵyndaryna eskertý jarııalandy, dep habarlaıdy «Qazgıdromet» RMK baspasóz qyzmeti.
Almaty oblysynda soltústik-shyǵystan jel soǵady. Oblystyń shyǵysynda jel ekpini 15-20 m/s jetedi. Oblystyń batysynda joǵary órt qaýpi saqtalady.
Qaraǵandy oblysynda soltústik-shyǵystan jáne shyǵystan jel soǵady. Oblystyń ońtústiginde jel ekpini 15-20 m/s bolady. Túnde oblystyń shyǵysynda 1 gradýsqa deıin úsik kútiledi. Oblystyń batysy men soltústiginde joǵary órt qaýpi saqtalady. Qaraǵandy qalasynda da joǵary órt qaýpi bar.
Jetisý oblysynda soltústik-shyǵystan jel soǵady. Oblystyń shyǵysynda, soltústiginde jáne taýly aýdandarynda jel ekpini 15-20 m/s, keı ýaqyttarda 23-28 m/s deıin jetedi. Túnde taýly aýdandarda 1 gradýsqa deıin úsik bolady. Oblystyń ońtústik-shyǵysynda tótenshe órt qaýpi saqtalady.
Pavlodar oblysynda kúndiz batysynda, soltústiginde jáne shyǵysynda jańbyr jaýyp, naızaǵaı oınaıdy dep kútiledi. Jel ońtústik-batystan soǵady, kúndiz ekpini 15-20 m/s bolady. Oblystyń batysynda, ońtústiginde jáne shyǵysynda joǵary órt qaýpi saqtalady. Pavlodar qalasynda kúndiz jańbyr jaýyp, naızaǵaı bolady, jel ekpini 15-20 m/s jetedi. Joǵary órt qaýpi saqtalady.
Abaı oblysynda túnde jáne tańerteń soltústiginde tuman túsedi. Túnde oblystyń soltústigi men shyǵysynda 3 gradýsqa deıin úsik bolady. Oblystyń shyǵysynda joǵary órt qaýpi saqtalady. Semeı qalasynda túnde 1-3 gradýs úsik kútiledi.
Shyǵys Qazaqstan oblysynda kúndiz soltústigi men shyǵysynda jańbyr jaýyp, naızaǵaı oınaıdy. Túnde jáne tańerteń oblystyń soltústiginde tuman bolady. Túnde oblystyń soltústigi men shyǵysynda 3 gradýsqa deıin úsik kútiledi. Oblystyń ortalyǵynda joǵary órt qaýpi saqtalady. Óskemen qalasynda túnde 1-3 gradýs úsik bolady.
Qyzylorda oblysynyń soltústiginde, shyǵysynda jáne ortalyǵynda shańdy daýyl kútiledi. Shyǵystan jel soǵady, ekpini 15-20 m/s, kúndiz oblystyń shyǵysynda 23 m/s deıin jetedi. Oblysta tótenshe órt qaýpi, al soltústiginde joǵary órt qaýpi saqtalady. Qyzylorda qalasynda keı ýaqyttarda shańdy daýyl bolady. Jel ekpini 15-20 m/s jetedi.
Batys Qazaqstan oblysynda túnde soltústiginde azdaǵan jańbyr jaýyp, naızaǵaı oınaıdy, al kúndiz oblystyń batysy men ońtústiginde jańbyr jáne naızaǵaı kútiledi. Ońtústik-shyǵystan jel soǵady, kúndiz oblystyń soltústiginde, shyǵysynda jáne ońtústiginde ekpini 15-20 m/s bolady. Oral qalasynda túnde azdaǵan jańbyr jaýyp, naızaǵaı oınaıdy. Jel ońtústik-shyǵys jáne shyǵys baǵyttan soǵyp, kúndiz ekpini 15-20 m/s jetedi.
Mańǵystaý oblysynyń batysynda, ońtústiginde jáne ortalyǵynda jańbyr jaýyp, naızaǵaı bolady. Oblystyń soltústik-shyǵysynda joǵary órt qaýpi saqtalady. Aqtaý qalasynda kúndiz jańbyr jaýyp, naızaǵaı kútiledi.
Atyraý oblysynda tańerteń jáne kúndiz batysynda jańbyr jaýyp, naızaǵaı oınaıdy. Túnde jáne tańerteń oblystyń batysynda tuman bolady. Kúndiz oblystyń shyǵysynda shańdy daýyl kútiledi. Shyǵystan jáne ońtústik-shyǵystan jel soǵady, oblystyń soltústiginde, batysynda jáne shyǵysynda ekpini 15-20 m/s bolady. Kúndiz aptap ystyq 36 gradýsqa deıin jetedi. Oblystyń soltústik-batysynda joǵary órt qaýpi saqtalady. Atyraý qalasynda kúndiz aýa temperatýrasy 35 gradýsqa deıin kóteriledi.
Jambyl oblysynda kúndiz taýly aýdandarda ótkinshi jańbyr jaýyp, naızaǵaı oınaıdy. Soltústik-shyǵystan jel soǵady, oblystyń ońtústik-batysynda, soltústik-shyǵysynda jáne taýly aýdandarynda ekpini 15-20 m/s, keı ýaqyttarda 23-28 m/s bolady. Oblystyń batysynda joǵary órt qaýpi saqtalady.
Qostanaı oblysynyń ortalyǵynda joǵary órt qaýpi saqtalady.
Aqtóbe oblysynda shyǵystan jel soǵady. Kúndiz oblystyń batysynda, soltústiginde jáne ońtústiginde jel ekpini 15-20 m/s jetedi. Oblystyń ońtústiginde tótenshe órt qaýpi saqtalady. Aqtóbe qalasynda kúndiz shyǵystan soqqan jeldiń ekpini 15 m/s bolady.
Soltústik Qazaqstan oblysynyń soltústigi men shyǵysynda jańbyr jaýyp, naızaǵaı oınaıdy, kúndiz burshaq túsýi múmkin. Túnde jáne tańerteń oblystyń batysynda tuman kútiledi. Batystan jáne soltústik-batystan jel soǵady, kúndiz oblystyń soltústigi men shyǵysynda ekpini 15-20 m/s bolady. Petropavl qalasynda jańbyr jaýyp, naızaǵaı oınaıdy. Jeldiń ekpini 15-20 m/s jetedi.
Túrkistan oblysynda kúndiz taýly aýdandarda ótkinshi jańbyr jaýyp, naızaǵaı bolady. Oblystyń soltústiginde shańdy daýyl kútiledi. Shyǵystan jel soǵady, oblystyń batysynda, soltústiginde, taýly jáne taý bókterindegi aýdandarynda ekpini 15-20 m/s, keı ýaqytta 23 m/s deıin jetedi. Oblystyń batysy men soltústiginde joǵary órt qaýpi saqtalady. Shymkent pen Túrkistan qalalarynda jel ekpini 15-20 m/s shamasynda bolady.
Aqmola oblysynda túnde shyǵysynda topyraq betinde 1 gradýsqa deıin úsik kútiledi. Oblystyń ońtústiginde joǵary órt qaýpi saqtalady, al soltústigi men ortalyǵynda joǵary órt qaýpi kútiledi.
Buǵan deıin sınoptıkter Qazaqstanda aldaǵy demalys kúnderi aýa raıy qandaı bolatynyn aıtqan edi.
