Atyraýda apatty úılerde turatyn 24 otbasyǵa jańa baspana berildi
ATYRAÝ. KAZINFORM – Naýryz merekesine oraı Atyraý qalasyndaǵy apatty turǵyn úılerde turatyn 24 otbasy qýanyshqa keneldi. Olar jańa baspanaǵa ıe boldy.
Atyraý qalalyq turǵyn úı-kommýnaldyq sharýashylyq bóliminiń sektor meńgerýshisi Nurjan Saıasattyń aıtýynsha, munaıly shaharda apatty úıler az emes. Sonyń qatarynda Beıbitshilik dańǵyly men A.Baıjigitova kóshesindegi turǵyn úıler bar.
«Bul úıler 1960 jyldary salynǵan. Qos qabatty úıler ábden tozǵandyqtan, apatty jaǵdaıda dep tanyldy. Soǵan qaramastan atalǵan úılerde osy kezge deıin 24 otbasy turyp keldi. Naýryz merekesine oraı olarǵa jańa páter berildi. Osy maqsatta Atyraý qalalyq ákimdiginiń bıýdjetinen bólingen qarjyǵa «Samal Town» turǵyn úı kesheninen jańa páterler satyp alyndy», - dedi Nurjan Saıasat.
Onyń aıtýynsha, endi aldaǵy aılarda taǵy 19 otbasyǵa jańa baspana berý josparlanyp otyr. Bul otbasylar apatty jaǵdaıdaǵy eki úıde turady.
Eske sala ketelik, budan buryn atyraýlyq ustaz oqýshylarǵa ulttyq asyq oıyndaryn úıretip júrgenin habarlaǵan bolatynbyz.
