Atyraýda alyp bala dúnıege keldi

ATYRAÝ.KAZINFORM- Atyraý oblystyq perınataldyq ortalyǵynda salmaǵy 5,8 keli , boıy 61 santımetr bolatyn alyp sábı ómirge keldi. Dárigerler 36 jastaǵy áıelge ota jasap, ana men balanyń ómirin saqtap qalǵan.

Jańa týǵan náresteniń salmaǵy men boıy óńir boıynsha ortasha kórsetkishten aıtarlyqtaı joǵary. Áıel bastapqyda oblystyq perınataldyq ortalyqtyń júktilik patologııasy bólimshesine jatqyzylǵan. Ýltradybystyq zertteý nátıjesinde sábıdiń salmaǵy shamamen 6,5 keli dep boljanǵan. Sondyqtan dárigerler kesar tiligin jasaý týraly sheshim qabyldaǵan.

— Sábı — Atyraý qalasynyń turǵynynyń altynshy perzenti. Ota sátti ótip, qazirgi tańda ana men náresteniń jaǵdaıy jaqsy, olar mamandardyń turaqty baqylaýynda, — dep habarlady perınataldyq ortalyq.

Eske salaıyq, ShQO-da jyl bastalǵaly 50-den astam náreste dúnıege kelgenin jazǵan edik.

Sondaı-aq SQO-da keıingi tórt jylda «Ańsaǵan sábımen» 334 bala ómirge kelgenin habarladyq.