Atyraýda alıment tóleýden jaltarǵan toǵyz adam qylmystyq jaýapqa tartyldy

ASTANA. KAZINFORM – Atyraý qalasynda uzaq ýaqyt boıy balalaryn asyraý jónindegi mindetterin oryndamaǵan toǵyz ata-ana anyqtaldy, dep habarlaıdy óńirdegi prokýratýra. Qaryzdyń jalpy somasy 46 mln teńgeden asty.

Barlyq derek boıynsha qala prokýratýrasy QR Qylmystyq kodeksiniń 139-baby («Alıment tóleýden ádeıi jaltarý») boıynsha sotqa deıingi tergep-tekserýdi bastady.

- Eki boryshker 12,9 mln teńge kóleminde alıment tólemegeni úshin sottalyp, olarǵa 1 jyl merzimge bas bostandyǵyn shekteý jazasy taǵaıyndaldy. Qalǵan boryshkerlerge qatysty tergeý áreketteri júrgizilýde, - delingen aqparatta.

Prokýratýra ata-analyq mindetterin oryndamaý tek ákimshilik emes, sonymen birge qylmystyq jaýaptylyqqa da ákeletinin eskertedi. 

Aıta keteıik, Atyraýda 80-nen astam muǵalimge 11 mln teńgeden astam ótemaqy tólendi.