Atyraýda alıment tólemeı júrgender qumar oıynǵa qyrýar qarjy aýdarǵan

ATYRAÝ. KAZINFORM – Taldaý barysynda Atyraý qalasynyń prokýratýrasymen alıment bereshigi bar 326 boryshkerdiń sońǵy tórt jylda qumar oıyndarǵa 800 mln teńgeden astam aqsha aýdarǵany anyqtaldy.

Oblystyq prokýratýra 45 boryshkerge qumar oıyn saıttaryna kirýge shekteý qoıylǵanyn málimdedi. Sondaı-aq 11 qaskóı boryshkerge qatysty alıment tóleýden jaltarý deregi boıynsha qylmystyq is qozǵalyp, 14 boryshker ákimshilik jaýaptylyqqa tartyldy.

Áreketsizdik tanytqany úshin 69 jeke sot oryndaýshysy tártiptik jaýaptylyqqa tartyldy jáne 2 jeke sot oryndaýshysy qyzmetin júzege asyrý lıtsenzııasynan aıyryldy.

- Boryshkerlerdi alıment tóleý mindetterin oryndamaǵany úshin ákimshilik (ÁQBtK-niń 669 b.) jáne qylmystyq (QK 139 b.) jaýaptylyq kózdelgenin eskertemiz. Kámeletke tolmaǵandardyń quqyqtaryn qorǵaý Atyraý oblysy prokýratýrasynyń qatań baqylaýynda, - delingen habarlamada.

Atyraýda esirtki satý kúdigine ilingen Aqtaý turǵyny ustalǵanyn jazǵan bolatynbyz.