Atyraýda alıment tólemegen 138 adam ákimshilik jaýapkershilikke tartyldy
ATYRAÝ. KAZINFORM — Atyraý oblysynda jyl basynan beri alıment tóleýden jaltarǵan 138 boryshker ákimshilik jaýaptylyqqa tartyldy. Taǵy 16 adamǵa qatysty qylmystyq qýdalaý bastaldy.
Oblystyq prokýratýranyń málimetinshe, jaýapqa tartylǵandardyń arasynda jolaýshy tasymalymen aınalysqan, býkmekerlik keńselerde bás tikken jáne múlki bola tura alıment tóleýden jaltarǵan azamattar bar.
Sondaı-aq alıment óndirý týraly sot sheshimderiniń oryndalýyn qamtamasyz etýge mindetti sot oryndaýshylarynyń jumysy da tekserildi. Qyzmettik mindetterin tıisinshe oryndamaǵany úshin 90 sot oryndaýshy tártiptik jaýaptylyqqa tartyldy.
Qabyldanǵan sharalardyń nátıjesinde 200 mıllıon teńgeden astam alıment bereshegi óndirilip, bul qarajatty 1 400-den astam bala alǵan.
Aıta keteıik, Atyraý oblysynda alıment boıynsha 4,8 mlrd teńgeden astam bereshek jınalǵan.
