Atyraýda «Aqjaıyq» rezervatyndaǵy qamys órtin áli sóndirip jatyr

ATYRAÝ. KAZINFORM – Atyraý oblysynda «Aqjaıyq» tabıǵı rezervatyndaǵy qamys órti áli tolyq sóngen joq. Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynan málim etknedeı, búin rezervattaǵy 20 gektar aýmaqtaǵy órtti sóndirý jalǵasyp jatyr. 

– Tabıǵı rezrevattaǵy qamys órtin sóndirýge «Qazavıaqutqarý» AQ sý tógý qurylǵysy bar MI-8 tikushaǵy tartyldy. Tikushaqpen tilsiz jaý oshaqtaryna 27 ret, jalpy kólemi 81 tonna sý tógildi. Qyzyl jalynnyń eldi mekenderge taralý qaýpi joq, - dep málim etti departamenttiń ımıdjdik jumys jáne syrtqy kommýnıkatsııalar tobynan.

Órtti sóndirýge Atyraý oblystyq tótenshe jaǵdaılar departamentiniń jeke quramynan jáne «Aqjaıyq» memlekettik tabıǵı rezervatynan 52 adam, 10 tehnıka, sondaı-aq «Qazavıaqutqarý» AQ-nyń tikushaǵy jumyldyryldy.

Jalyn sharpyǵan aýmaqta ýaqtyly aqparat almasý úshin komandalyq-shtabtyq avtokólik arqyly baılanys ornatyldy.

Eske sala ketelik, buǵan deıin Atyraý turǵyndaryna tútin men ystyń ıisine baılanysty kóshege shyqpaý eskertildi. 

Keıin Atyraýda «Aqjaıyq» rezervatyndaǵy qamys órtine tikushaqpen 12 tonna sý tógilgenin habarlaǵan bolatynbyz.