Atyraýda «Aqjaıyq» rezervatyndaǵy qamys órti tolyq sóndirildi

ATYRAÝ. KAZINFORM – Atyraý oblysynda «Aqjaıyq» rezervatyndaǵy qamys órti 11 kúnnen keıin tolyq sóndirildi.

Atyraý oblysy ákiminiń baspasóz qyzmetin órttiń búgin, 24 maýsymda saǵat 14:00 shamasynda tolyq sóndirilgenin habarlady. 

– «Aqjaıyq» memlekettik tabıǵı rezervatyndaǵy órt tolyǵymen sóndirildi. Aldyn ala boljam boıynsha jalyn 1510 gektar aýmaqty sharpyǵan. Órt tutanǵan 13 maýsymnan beri «Qazavıaqutqarý» AQ-nyń MI-8 eki tikushaǵymen 396 tonna sý tógildi. Órt shalǵan aýmaqtyń aýqymyn ulǵaıtpaý maqsatynda traktorlarmen mıneraldy jolaq jyrtyldy, -dep habarlady ákimdiktiń baspasóz qyzmeti. 

Qamys órtin sóndirýge 200-ge jýyq adam men 40 tehnıka tartylǵan. 

– Órttiń qaıta tutanbaýy turaqty baqylaýǵa alyndy. Osy maqsatt tótenshe jaǵdaılar departamentiniń, polıtsııa jáne rezervat qyzmetkerleriniń kezekshiligi áli de jalǵasady. Kezekshilik táýlik boıy atqarylady, - dep málim etti baspasóz qyzmetinen.

Eske sala ketelik, buǵan deıin «Aqjaıyq» tabıǵı rezervatyndaǵy órtke adam faktorynyń áseri bolýy múmkin ekenin habarlaǵan edik. 

Sondaı-aq, «Aqjaıyq» rezervatyndaǵy órtti sóndirýge taǵy bir tikushaq tartyldy. 

Atyraý oblysynyń ákimi Serik Shápkenov qamys órtine baılanysty tótenshe jaǵdaı jarııalaýǵa negiz joq ekenin aıtty. 

Al keshe Atyraýda «Aqjaıyq» tabıǵı rezervatyndaǵy qamys órti áli byqsyp jatqanyn jazǵan bolatynbyz.