Atyraýda áke-sheshesin óltirgen 25 jastaǵy jigit ózine qol saldy

ATYRAÝ. KAZINFORM – Atyraýda 25 jastaǵy jigittiń áke-sheshesin óltirgeni anyqtaldy. Keıin ol ózine qol salǵan. 

Atyraý oblystyq polıtsııa departamentiniń baspasóz qyzmeti bul derekti rastady. 

«Qazir adam óltirý deregimen qylmystyq is qozǵaldy. Aldyn-ala aqparatqa sáıkes 25 jastaǵy er adam óziniń 65 jáne 58 jastaǵy ata-anasyn óltirgen. Keıin óz-ózine qol salǵan. Qazir atalǵan oqıǵanyń mán-jaıyn jan-jaqty anyqtaý maqsatynda jedel-tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmetinen. 

Ázirge 25 jastaǵy jigittiń áke-sheshesin óltirýine, ózine qol salýǵa ne sebep bolǵany belgisiz. 

Eske sala ketelik, budan 2 jyl buryn Atyraýda úsh adamdy atyp óltirip, bireýin jaraqattaǵan kúdikti qamaýǵa alynǵanyn jazǵan bolatynbyz. Al, byltyr mamyr aıynda qylmysker ómir boıyna sottaldy.