Atyraýda AITV-ny qasaqana juqtyrdy degen kúdikpen eki adam ustaldy

ATYRAÝ.KAZINFORM — Atyraý qalasynda 23 jáne 28 jastaǵy eki azamat ustaldy. Olar 2025 jyldyń jeltoqsan aıynan bastap ózderinde AITV ınfektsııasynyń bar ekenin bile tura, arnaıy medıtsınalyq esepte turǵanyna qaramastan, transgender adam retinde aqyly ıntımdik qyzmet kórsetýdi jalǵastyrǵan.

Jedel is-sharany Atyraý oblystyq polıtsııa departamentiniń uıymdasqan qylmysqa qarsy kúres basqarmasynyń qyzmetkerleri júrgizgen. Kúdiktiler ustalyp, ýaqytsha ustaý ızolıatoryna qamaldy.

— Atalǵan derek boıynsha ózinde bul aýrýdyń bar ekenin bile tura, basqa adamǵa AITV ınfektsııasyn juqtyrý faktisi boıynsha qylmystyq is qozǵaldy. Azamattardyń ómiri men densaýlyǵyna qasaqana qaýip tóndirý — aýyr qylmys. Qazaqstan Respýblıkasynyń zańnamasyna sáıkes, mundaı áreketter úshin 5 jyldan 10 jylǵa deıin bas bostandyǵynan aıyrý jazasy qarastyrylǵan, — dep málimdedi PD baspasóz qyzmeti.

Qazirgi ýaqytta qajetti tergeý áreketteri júrgizilýde, jábirlenýshiler anyqtalyp jatyr.
Osyǵan deıin Almatyda polıtsııa mefedronnyń zańsyz aınalymyn toqtatqanyn jazǵan edik.