Atyraýda abattandyrý talaptaryn buzýdyń 257 deregi tirkeldi
ASTANA. KAZINFORM — Atyraý oblysynda «Taza Qazaqstan» aktsııasy aıasynda eldi mekenderdiń sanıtarııalyq tazalyǵy men abattandyrý talaptarynyń saqtalýyna baǵyttalǵan reıdtik is-sharalar jalǵasyp jatyr.
ІІM habarlaýynsha, 21-29 qyrkúıek aralyǵynda polıtsııa qyzmetkerleri abattandyrý qaǵıdalaryn buzýdyń 257 deregin anyqtady. Onyń ishinde 5 adam atalǵan quqyqbuzýshylyqty bir jyl ishinde qaıtalap jasaǵan. Barlyq anyqtalǵan faktiler boıynsha qoldanystaǵy zańnamaǵa sáıkes tıisti ákimshilik sharalar qabyldandy.
Máselen, 23 qyrkúıek kúni saǵat 12:30 shamasynda Atyraý qalasynyń Órken yqsham aýdanynda 1979 jyly týǵan er adam KamAZ avtokóligimen shóp qaldyqtaryn belgilenbegen jerge tógip, abattandyrý qaǵıdalaryn buzǵan.
Tekserý barysynda onyń bir jyl ishinde osyǵan uqsas quqyqbuzýshylyqty qaıtalap jasaǵany anyqtaldy. Osyǵan baılanysty azamat Qazaqstan Respýblıkasy ÁQBtK-niń 505-babynyń 2-bóligi boıynsha ákimshilik jaýapkershilikke tartyldy.
— Polıtsııa azamattardy tazalyq talaptaryn saqtaýǵa, qorshaǵan ortany lastamaýǵa jáne qoqys pen ózge de qaldyqtardy belgilenbegen oryndarǵa tastamaýǵa shaqyrady. Qaldyqtardy belgilenbegen oryndarǵa tókken tulǵalar qoldanystaǵy zańnamaǵa sáıkes ákimshilik jaýapkershilikke tartylady, — delingen aqparatta.
Buǵan deıin Almatyda abattandyrý kezinde zań buzǵan merdigerge aıyppul salyndy.
