Atyraýda 96 eski kólik elektrondyq aýktsıonǵa shyǵaryldy
ATYRAÝ. KAZINFORM — Atyraý oblysynyń kommýnaldyq menshigindegi tozyǵy jetken 96 kólik jekeshelendirý úshin elektrondyq aýktsıonǵa shyǵaryldy. Saýda 2026 jyldyń 3 qarashasynda ótedi.
Aýktsıon memlekettik múlik tiziliminiń e-qazyna.kz tsıfrlyq platformasynda uıymdastyrylady. Saýda baǵany kóterý ádisimen ótkizilmek.
— Aýktsıonǵa qatysýǵa nıet bildirgen jeke tulǵalar elektrondyq platformada elektrondyq tsıfrlyq qoltańba kilti arqyly tirkelip, belgilengen tártippen qatysa alady. Aýktsıonǵa shyǵarylatyn avtokólik quraldary týraly tolyq aqparatpen, olardyń bastapqy baǵasymen, tehnıkalyq jaı-kúıimen, aýktsıonǵa qatysý sharttarymen jáne ózge de qajetti málimettermen e-qazyna.kz elektrondyq platformasynda tanysýǵa bolady, -delingen oblystyq memlekettik satyp alý jáne kommýnaldyq menshik basqarmasy.
sauda.e-qazyna.kz platformasynda jarııalanǵan aqparat pen sýretterge qarap eski kólikterdiń kóbi polıtsııa departamentiniń, jedel járdem stantsııasynyń teńgeriminde bolǵanyn baıqaýǵa bolady. Sondaı-aq, oqýshylardy tasymaldaǵan avtobýstar da bar.
Eske salaıyq, Almatyda buǵan deıin Qaırat Satybaldy memleketke bergen DoubleTree by Hilton qonaqúı kesheni úshinshi ret aýktsıonǵa shyǵarylǵanyn jazǵan edik.
