Atyraýda 95,5 keli balyqty zańsyz tasymaldaǵandar ustaldy

ATYRAÝ. KAZINFORM — Atyraý polıtseıleri Toyota avtokóligimen 95,5 keli zańsyz balyqty tasymaldaǵandar ustaldy

Atyraý oblystyq polıtsııa departamentiniń baspasóz qyzmetinen málim etkendeı, 1 aqpannan beri «Brakoner» jedel profılaktıkalyq is-sharasy ótip jatyr.

«Bul is-sharanyń maqsaty — brakonerlikti, bıologııalyk resýrstardyń zańsyz aınalymyn anyqtaý. Іs-shara kezinde Atyraý qalasynyń aýmaǵyndaǵy balyq jáne ózge de janýarlardyń ónimderin zańsyz satý, satyp alý jáne tasymaldaýdyń jolyn kesý úshin iri bazarlarǵa arnaıy tekserý júrgizý bastaldy. Máselen, 8 aqpan kúni balyq qorlaryna qylmystyq qol suǵýshylyqqa qarsy kúres bóliminiń kyzmetkerleri munaıly shahardaǵy saýda ortalyǵynyń aldynda Toyota avtokóligimen jalpy salmaǵy 95,5 keli bolatyn balyq ónimderin tasymaldaýshylardy anyqtady. Kúdikti retinde Atyraý qalasynyń 21 jáne 20 jastaǵy eki turǵyny ustaldy», -dep habarlady departamenttiń baspasóz qyzmeti.

Polıtsııa qyzmetkreleri ustalǵandarǵa qatysty QR Ákimshilik quqyq buzýshylyq týraly kodeksiniń 389-babymen ( Jabaıy janýarlar men ósimdikterdiń túrlerin, olardyń bólikterin nemese derıvattaryn zańsyz ıemdený, ótkizý, alyp ótý, ákelý, áketý, saqtaý, ustaý) is qujattary jınaqtady. Іs qujattary tıisti sharasyn alý úshin tıisti organdarǵa joldandy.

Eske sala ketelik, budan buryn Atyraý oblysynan tabylǵan kıik óleksesine baılanysty tergeý júrip jatqanyn habarlaǵan bolatynbyz.