Atyraýda 9 mln teńge aıyppulyn tólemeı júrgen júrgizýshi ustaldy
ATYRAÝ. KAZINFORM – Atyraýda Toyota Land Cruiser avtokóliginiń júrgizýshisi 9 mln teńge aıyppulyn tólemegen. Taǵy bir júrgizýshiniń 500 myń teńge aıyppuly bary anyqtaldy.
Atyraý oblystyq Polıtsııa departamenti baspasóz qyzmetiniń aqparatyna qaraǵanda, patrýldik polıtsııa batalony men jedel basqarý ortalyǵynyń qyzmetkerleri jol qozǵalysy erejelerin buzý deregin, aıyppulyn tólemeı júrgen júrgizýshilerdi anyqtaý maqsatynda birqatar jumys júrgizip otyr.
«Máselen, 16 maýsym kúni saǵat 22:30 shamasynda jedel basqarý ortalyǵynyń qyzmetkerleri sot qaýlysymen baǵyttama berilgen Toyota Land Cruiser avtokóligin anyqtap, patrýldik polıtsııa qyzmetkerlerine habarlady. Tekserý kezinde avtokólik júrgizýshisiniń 9 mln teńge kólemindegi aıyppulyn tólemegeni dáleldendi. Al 17 maýsymda saǵat 01:20 shamasynda Interceptor izdeý júıesi arqyly Nissan Quest avtokóliginiń Atyraý-Dossor baǵytyna qatynaıtyn tas jol boıyndaǵy janarmaı beketi tusynda turǵany anyqtaldy. Armenııa Respýblıkasynda tirkelgen kóliktiń júrgizýshisi 500 myń teńge 26 aıyppulyn tólemegeni belgili boldy», - dep habarlady departamenttiń baspasóz qyzmeti.
Polıtsııa qyzmetkerleri aıyppulyn tólemegen eki júrgizýshige tıisti is qujattaryn jınaqtady. Eki avtokólik arnaıy turaqqa qoıyldy.
Eske sala ketelik, budan buryn Atyraýda azamattyq nekedegi áıelin óltirmek bolǵan kúdikti ustalǵanyn habarlaǵan bolatynbyz.
