Atyraýda 86 memlekettik organ basshysy ákimshilik jaýapqa tartyldy
ATYRAÝ. KAZINFORM — Atyraý oblysynda prokýrorlyq qadaǵalaý aktileriniń nátıjesinde 44,5 mlrd teńgeden astam bıýdjet qarajatynyń maqsatsyz jumsalýyna jol berilmedi. Bul týraly oblystyq prokýratýranyń alqa otyrysynda málim boldy.
Prokýratýranyń málimetinshe, bıýdjet qarajatynyń zańdy jumsalýyn qadaǵalaý barysynda negizsiz shyǵystardyń aldyn alýǵa basymdyq berilgen. Qadaǵalaý aktileriniń nátıjesinde jalpy somasy 44,5 mlrd teńgeden astam bıýdjet qarajatynyń maqsatsyz jumsalýyna jol berilmegen.
Osy baǵyttaǵy zań buzýǵa baılanysty memlekettik organdardyń 86 basshysy ákimshilik jaýaptylyqqa tartylǵan.
Budan bólek, oblystaǵy túzeý mekemeleriniń ınfraqurylymyna qatysty másele de qaraldy. 1972 jyly salynǵan qoldanystaǵy tergeý ızolıatory apatty dep tanylǵan. Qazirgi ýaqytta jańa tergeý ızolıatoryn salýǵa arnalǵan jer ýchaskesi aıqyndalyp, joba ázirlengen.
Jergilikti atqarýshy organ qurylysqa qajetti qarjy bólý jumysyn júrgizip jatyr.
Buǵan deıin Atyraýda bes aıda 175,6 mlrd teńge qarjylyq buzý anyqtalǵanyn jazǵan edik.
