Atyraýda 83 jasóspirimniń ata-anasy ákimshilik jaýapkershilikke tartyldy
ASTANA. KAZINFORM — Elimizde 18-20 maýsym aralyǵynda «Túngi qaladaǵy balalar» jedel-profılaktıkalyq is-sharasy ótkizilip jatyr, dep habarlaıdy Polisia.kz.
Іs-sharanyń negizgi maqsaty — kámeletke tolmaǵandardyń qaýipsizdigin qamtamasyz etý, olardyń qatysýymen jasalatyn quqyq buzýshylyqtardyń aldyn alý jáne ata-analardyń jaýapkershiligin arttyrý.
— Reıdtik jáne profılaktıkalyq jumystar barysynda bir táýliktiń ózinde jasóspirimderge qatysty jáne olardyń qatysýymen jasalǵan 100-den astam quqyq buzýshylyq deregi anyqtaldy. Sonymen qatar 20-ǵa jýyq kámeletke tolmaǵan jasóspirim ishki ister organdaryna jetkizildi. Tekserý nátıjesinde túngi ýaqytta ata-anasynyń nemese zańdy ókilderiniń qaraýynsyz júrgen 83 jasóspirim anyqtaldy. Atalǵan faktiler boıynsha olardyń ata-analary men zańdy ókilderine qatysty qoldanystaǵy zańnamaǵa sáıkes ákimshilik sharalar qabyldandy, — delingen aqparatta.
Polıtsııa qyzmetkerleri reıd barysynda oıyn-saýyq oryndaryn, qoǵamdyq oryndardy jáne halyq kóp shoǵyrlanatyn aýmaqtardy tekserip, kámeletke tolmaǵandardyń qaýipsizdigin qamtamasyz etýge baǵyttalǵan túsindirý jumystaryn júrgizdi.
Quqyq qorǵaý organdary ata-analardy balalardyń bos ýaqytyn tıimdi uıymdastyrýǵa, olardyń júrgen ortasy men aınalysatyn isine turaqty baqylaý jasaýǵa shaqyrady. Sebebi jasóspirimderdiń qaýipsizdigi men tártibi eń aldymen otbasyndaǵy tárbıe men ata-ananyń jaýapkershiligine tikeleı baılanysty.
Mundaı profılaktıkalyq is-sharalar kámeletke tolmaǵandar arasyndaǵy quqyq buzýshylyqtardyń aldyn alýǵa, olardyń qaýipsizdigin qamtamasyz etýge jáne qoǵamdaǵy quqyqtyq mádenıetti nyǵaıtýǵa baǵyttalǵan.
Eske sala keteıik, Aqtóbede páter men kottedjge jınalǵan mektep túlekteriniń ata-analary jaýapqa tartyldy.
