Atyraýda 65 myń ardagerdi biriktiretin uıym jumys isteıdi
ATYRAÝ. KAZINFORM — Atyraýda ardagerlerdi qoldaý jáne urpaqtar sabaqtastyǵy máseleleri talqylandy.
Atyraýda oblystyq ardagerler keńesiniń plenýmy ótip, oǵan óńir basshysy Bolat Aqsholaqov pen «Ardagerler uıymy» RQB Ortalyq keńesiniń tóraǵasy Ábilǵazy Qusaıynov qatysty.
Plenýmǵa jınalǵandar ardager uıymdarynyń jumysyn qorytyndylap, qarttarǵa kórsetiletin áleýmettik qoldaý, ulttyq qundylyqtardy saqtaý jáne aǵa býynnyń jas urpaq tárbıesindegi róli jóninde pikir almasty.
Atyraý oblysynda 264 ardagerler uıymy bar, olarǵa 65 myńnan astam adam múshe. Zeınetkerlerge medıtsınalyq jáne áleýmettik qoldaý máselelerine erekshe kóńil bólinedi.
Pleným sońynda ardagerler qozǵalysynyń damýyna úles qosqan birqatar zeınetker marapattaldy.
