Atyraýda 62 jastaǵy áıeldi óltirdi degen kúdikpen týysy qamaýǵa alyndy
ATYRAÝ. KAZINFORM – Atyraýda 62 jastaǵy áıeldi týysy óltirip tastaǵan. Polıtsııa qyzmetkerleri 35 jastaǵy kúdiktini ustap, qamaýǵa aldy.
Atyraý oblystyq polıtsııa departamentiniń baspasóz qyzmetinen málim etkendeı, oqıǵa 7 aqpanda bolǵan.
– Polıtsııa qyzmetkerleri 62 jastaǵy turǵyndy óltirý deregine qatysy bar kúdiktini ustady. Kúdikti marqumnyń týysy ekeni anyqtaldy. Onyń jasy – 35-te. Qazir kúdikti ýaqytsha ustaý ızolıatoryna qamaldy. Atalǵan derekke qatysty qylmystyq is qozǵalyp, keshendi tergeý sharalary júrgizilip jatyr. Tergeý kezinde qylmysqa qatysty barlyq mán-jaı anyqtalady, - dep málim etti departamenttiń baspasóz qyzmetinen.
Keıbir derekke qaraǵanda, kúdikti týysynyń denesin bólshektep tastaǵan. Alaıda polıtsııa departamentiniń baspasóz qyzmeti bul derekti naqtylamady.
Eske sala ketelik, buǵan deıin Atyraýda balasynyń sýıtsıd jasaýǵa oqtalýyna sebepker áke 6 jylǵa sottalǵanyn jazǵan edik.