Atyraýda 6-synyp oqýshysy sabaqqa pyshaqpen kelgen
ATYRAÝ.KAZINFORM — Atyraý qalasyndaǵy mektepterdiń birinde 11 jactaǵy oqýshy bilim ordasyna pyshaqpen kelgen.
Aldyn ala málimet boıynsha, 6-synyp oqýshysy sabaqqa pyshaq alyp kelgen. Onyń bul is-áreketi qatarlastarymen bolǵan kelispeýshilikpen baılanysty bolýy múmkin.
Atyraý oblystyq polıtsııa departamenti bolǵan jaǵdaıdy rastady. Abyroı bolǵanda, oqýshy pyshaqty paıdalanyp, eshkimdi jaraqattamaǵan. Zardap shekkender joq.
Qazir memlekettik organdar tarapynan profılaktıkalyq jumys júrgizilip jatyr.
— Atalǵan jaǵdaı boıynsha oqýshylar arasyndaǵy býllıng belgilerin, oqýshynyń emotsıonaldyq jaǵdaıyn jáne qaýipsizdik táýekelderin anyqtaý maqsatynda tıisti psıhologııalyq-pedagogıkalyq jumys ótkiziledi. Sonymen qatar qazirgi ýaqytta mektep ákimshiligi tarapynan oqýshylardyń qaýipsizdigin qamtamasyz etý jáne jaǵdaıǵa qatysy bar oqýshylarmen profılaktıkalyq jumys júrgizilip jatyr, — dep málimdedi oblystyq balalardyń quqyǵyn qorǵaý jónindegi basqarma.
Buǵan deıin elimizde balalardyń býllıng pen sýıtsıdtik nıetin anyqtaıtyn júıe ázirlengeni jóninde jazǵan edik.
