Atyraýda 5 jastaǵy qyz kanalǵa túsip ketip, kóz jumdy
ATYRAÝ.KAZINFORM – Atyraý qalasyna qarasty Tasqala eldimekeninde 5 jastaǵy qyz kanalǵa túsip ketip, kóz jumdy. Búldirshinniń denesi izdestirý jumysynan keıin jaqyn mańdaǵy kanaldan tabyldy.
Bul derekti oblystyq polıtsııa departamenti rastady. Aldyn ala málimet boıynsha, oqıǵa 23 maýsym 17:00 shamasynda bolǵan. Jaqyndary kishkentaıdan birer mınýtqa kóz jazyp qalypty. Búldirshinniń denesi 23:00 shamasynda jaqyn mańdaǵy kanaldan tabyldy.
Polıtsııa qyzmetkerleri ata-analardy balalardyń ómiri men qaýipsizdigine jaýapkershilikpen qarap, olardy qaraýsyz qaldyrmaýǵa shaqyrady.
Buǵan deıin Petropavldaǵy Pestroe kólinde er adam sýǵa tunshyǵyp, kóz jumǵanyn habarlaǵan edik.
