Atyraýda 5 kúnde 370-ke jýyq adam jaýapqa tartyldy
ATYRAÝ.KAZINFORM- Atyraý oblysynda qańtardyń 27 men 31-i aralyǵynda otbasyndaǵy janjal men zorlyq-zombylyqtyń aldyn alý úshin «Turmys» jedel profılaktıkalyq is-sharasy ótti.
Polıtsııa qyzmetkerleri úılerdi aralap, janjal jıi bolatyn otbasylardy tekserdi. Mundaı otbasylar qazir turaqty baqylaýǵa alynǵan. Nátıjesinde túrli zańbuzýshylyqtar úshin 364 adam ákimshilik jaýapkershilikke tartyldy. Olardyń basym bóligi otbasyndaǵy tártipti buzý, tynyshtyqty saqtamaý jáne polıtsııa talaptaryna baǵynbaý derekteri boıynsha tirkelgen.
- Sonymen qatar 93 qorǵaý nusqamasy berilip, 39 adamǵa sot arqyly erekshe talap qoıyldy. Bul talaptar agressııa kórsetken adamdardyń jábirlenýshige jaqyndaýyna nemese baılanys ornatýyna shekteý qoıady. Basty maqsat – otbasyndaǵy janjaldyń ýshyǵyp ketýine jol bermeý. Osyndaı aldyn alý sharalary arqyly kóptegen jaǵdaıdyń aldyn alýǵa bolady, – dedi PD otbasylyq-turmystyq zorlyq-zombylyqqa qarsy kúres bóliminiń aǵa ınspektory Aıgerim Muratova.
Osyǵan deıin Aqmola oblysynda balalaryna alıment tólemegen áıel jaýapqa tartylǵanyn jazǵan edik.