Atyraýda 400-den astam azamat áskerı qyzmetten jaltaryp júr
ATYRAÝ. KAZIMFORM – Qala turǵyndarynyń arasynda 1414 nómirinen joldanǵan habarlamalar men resmı shaqyrtý qaǵazdaryn nazardan tys qaldyryp, áskerı esepke baılanysty mindetterin oryndamaı júrgender sany 400-den asqan.
Endi qalalyq ákimdik pen qorǵanys isteri jónindegi basqarma qyzmetkerleri polıtseılermen birigip, merzimdi áskerı qyzmetke shaqyrý naýqany aıasynda túsindirý jumystaryna kirisken. Ortalyq kóshelerde kólikterdi toqtatyp, áskerı shaqyrtýdy elemeı, qorǵanys isteri organdaryna kelmegen azamattarǵa zań talaptaryn túsindirýde.
- Atyraý qalasy boıynsha 400-den astam azamat áskerı shaqyrtýǵa kelmegenderdiń qatarynda tirkelgen. Osyǵan oraı, jaýapty sala mamandary túsindirý jumystaryn kúsheıtip, turǵyndardy zań talaptaryn saqtaýǵa shaqyrýda, - dep málimdedi qalalyq ákimdik.
Byltyr Atyraý oblysynda 1500 turǵyn áskerge shaqyrtýǵa ýaqytynda kelmegeni jóninde jazǵan edik.
