Atyraýda 40 jastaǵy turǵynnan 16 keli qarasora tárkilendi

ATYRAÝ. KAZINFORM – Atyraýdyń 40 jastaǵy turǵyny 16 keli qarasoramen ustaldy. 

Atyraý oblystyq polıtsııa departamentiniń baspasóz qyzmetinen málim etkendeı, esirtki qylmysyna qarsy is-qımyl basqarmasynyń qyzmetkerleri 40 jastaǵy kúdiktiniń qarasora ósirip, keptirilgen ósimdikti saqtaǵanyn anyqtady. 

– Kúdiktiniń turǵylyqty mekenjaıyn tintý kezinde 45 dana esirtkini, tońazytqyshta saqtalǵan erekshe ıisi bar keptirilgen ósimdikti tapty. Tárkilenip alynǵan zattar salmaǵy 16 keliden asatyn qarasora ekeni anyqtaldy, - dep habarlady departamenttiń baspasóz qyzmeti. 

Qazir ustalǵan kúdiktige qatysty QR Qylmystyq kodeksiniń 300-babynyń 3-bóligimen qyzmystyq is tirkeldi. Sotqa deıingi tergep-tekserý amaldary júrip jatyr. 

Eske sala ketelik, buǵan deıin Atyraýda esirtki ósirýge arnalǵan fıtozerthana anyqtalǵany habarlanǵan edi.