Atyraýda 4 adamdy óltirdi degen kúdikke ilingen Sultan Sarsemalıevke qatysty tergeý aıaqtaldy
ATYRAÝ. KAZINFORM – Atyraýda ata-enesin jáne áıeliniń baýyrlaryn óltirdi degen kúdikke ilingen Sultan Sarsemalıevke qatysty sotqa deıingi tergep-tekserý aıaqtaldy. Bul aqparatty oblys prokýratýrasy rastady.
Kúdiktige qatysty QR Qylmystyq kodeksiniń 99 baby 2 bóliginiń 1 tarmaǵyna sáıkes, ıaǵnı eki jáne odan da kóp adamnyń ólimi, mal satý, kartalardy jymqyrý syndy derekteri boıynsha QR Qylmystyq kodeksiniń 188 jáne 190 baby boıynsha qylmystyq is qozǵalǵan edi.
Qazirgi ýaqytta Sultan Sarsemalıev qamaýda otyr.
Aldyn ala málimet boıynsha, is osy aıda sotqa jiberiledi. Keıin sot protsesi bastalady.
Buǵan deıin sot medıtsınalyq saraptamasy men tergeý barysynda anyqtalǵan dálelderge sáıkes Naýryz Muqanǵalıevtiń 2025 jyldyń mamyr aıynda qaıtys bolǵany anyqtaldy. Al qalǵan úsheýi qarasha aıynda kóz jumǵan.
Saraptama Sultan Sársemalıevti deni saý dep tanyǵan edi.
Eske salaıyq, naýryz aıynda aıyptalýshy sot sanktsııasymen eki aıǵa qamaýǵa alynǵan edi.
Kópti shoshytqan qandy qylmys týraly alǵash ret Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketkennen keıin belgili boldy.
6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
Keıin olardyń denelerinde pyshaq izderi bary anyqtaldy.
9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy.
Sondaı aq joǵalǵan otbasy týraly tyń derekterdi áleýmettik jeli arqyly taratqan hakerge halyqaralyq izdeý jarııalanǵan edi.
Qandy qylmysqa qatysy bolýy múmkin degen kúdikke sol úıdiń qyzy da ilindi.
Kúdiktiler aqpan aıynyń sońynda Indonezııa Respýblıkasynyń Lombok aralyndaǵy Senarý aýylynda asa aýyr qylmys jasady dep kúdikke ilingender ustalǵan edi.
Eki kúdiktiniń shetelde qalaı ustalǵany jóninde vıdeo jarııalandy.
Birneshe kúnnen keıin olar Atyraý qalasyna jetkizildi.
Keıin polıtsııa Atyraý oblysy Jangeldın aýylynda bútin bir otbasyny óltirdi degen kúdikke ilingen Sultan Sarsemalıevti ata-enesin óltirgen úıge apardy. Ol tergeýshilerge qylmysty qalaı jasaǵanyn kórsetip, suraqtarǵa jaýap bergen.
Іshki ister mınıstrligi jarııalaǵan vıdeodan Sultan Sarsemalıevtiń qalada jaldap turǵan úıiniń irgesinen qazǵan shuńqyrdy kórsetkenin baıqaýǵa bolady. 29 jastaǵy kúdikti burynǵy áıeliniń aǵasy Naýryz Muqanǵalıev pen Meıramgúl Qarabalınany sol jerge kómip ketken.
