Atyraýda 37 jastaǵy er adamnan 8 mln teńgeniń sıntetıkalyq esirtkisi tárkilendi

ATYRAÝ. KAZINFORM – Atyraýda 37 jastaǵy er adamnan sıntetıkalyq esirtkiniń 1 myńǵa jýyq dozasy tárkilendi. Esirtkiniń quny – shamamen 8 mln teńge.

Atyraý oblystyq polıtsııa departamentiniń baspasóz qyzmetinen málim etkendeı, sıntetıkalyq esirtki zattaryn taratýmen aınalysqan er adam ustalǵan. 

«Esirtki qylmysyna qarsy is-qımyl basqarmasy men kınologııa ortalyǵynyń qyzmetkerleri Atyraý qalasynda birlesken jedel izdestirý is-sharasyn júrgizdi. Іs-shara kezinde Azattyq dańǵylynda ornalasqan kópqabatty úıde sıntetıkalyq esirtki zattaryn taratýmen aınalysqan 1987 jylǵy er adamdy ustaldy. Kúdiktige tintý júrgizilip, quny 8 mln teńge shamasyn quraıtyn «Alfa-PVP» sıntetıkalyq esirtkiniń 1 myńǵa jýyq dozasy tabyldy. Esirtki zattaryn zańsyz satý kúdigine ilingen er adamnyń Telegram qosymshasy arqyly asa iri mólsherde psıhotroptyq zattardy ótkizý, satyp alý jáne saqtaýmen aınalysatyn jarnama arqyly jeńil paıda tapqysy kelgeni belgili boldy», -dep habarlady departamenttiń baspasóz qyzmeti.

Qazir kúdikti QR Qylmystyq-protsestik kodeksiniń 128-babymen qamaýǵa alyndy. Ózge aqparat atalǵan qujattyń kodeksiniń 201-babyna sáıkes jarııalaýǵa jatpaıdy.

Eske sala ketelik, buǵan deıin Atyraýda 2 esirtki fıtolaboratorııasy men 2 óńiraralyq tasymaldyń joly kesilgenin habarlaǵan bolatynbyz. 

Keıin Atyraýda jyl basynan beri esirtkige qarsy 82 quqyqbuzýshylyq anyqtalǵanyn jazǵan edik.